حوار في مكتب اشرف زكي رئيس الهيئة

في مكتب اشرف زكي

الحوار في مكتب اشرف زكي رئيس الهيئه 15/8/2010

هيثم : حضرتك انا خريج دفعة 2008 تجارة بريد عايز اسأل عن موقفنا من التعيين
السكرتيره : دلؤتي اللي بيتعينوا 2004
هيثم : 2003 خلصت
السكرتيره : 2003 خلصت دلؤتي 2004
هيثم : انا مخلص الدورات اللي قال عليها المهندس علاء فهمي وقال اللي يجتاز الدورات هيتعين بدون تقيد بسنة التخرج وذلك امام الدكتور عبدالله بركات رئيس ج حلوان وعميد كلية التجارة الدكتور جاب الله
السكرتيره : قلت لك هم بياخدوا دفعات مش ممكن هياخدوا 2008 ويسيبوا 2004 و 2005
هيثم : بس حضرتك الكلام اللي قالوا لنا المهندس علاء فهمي غير اللي شغالين بيه حاليا
السكرتيره : الدكتور اشرف ذكي واخد الدفعات تخلص 2003 نبدأ في 2004 وحضرتك عايز تستفسر كل الاستفسارات عند اللواء هشام غراب فوق
هيثم : طيب انا عايز اقابل الدكتور اشرف ذكي
السكرتيره : صعب خالص دلؤتي
هيثم : ممكن استني
السكرتيره : صعب اوي النهارده
هيثم : طيب اجي وقت تاني
السكرتيره : لا الموضوع كله عند اللواء هشام غراب
سليمان : حضرتك دفعة كام
هيثم : 2008 تقدير جيد ومعي الدورات اللي قال عليها المهندس علاء فهمي
سليمان : حضرتك بتنعين بالدفعات خلصنا 2003 وشغالين في 2004 الي اخر السنه وبنعين اوائل الدفعه ا ا نت من اوائل الدفعة
هيثم : لا بس انا عارف ان العشرة الاوائل اتعينوا
سليمان : طيب نحن بناخد الدفعات 2004 ثم 2005 و 2006 و 2007 و 2008 يعني انت لسه شويه غير كده مفيش استثناءات
هيثم : طيب فيه ناس تعينت بالواسطه عن طريق اعضاء مجلس الشعب انا كام امامي عقد بخمس الاف جنيه في شهر 6/ 2008 بس للاسف مكنتش النتيجه ظهرت في الوقت ده
سليمان : الكلام اللي بتقوله ده مش صحيح علي مسؤليتك
هيثم : انا مسؤل عن الكلام ده
سليمان : فيه اللي يثبت كلامك ده
هيثم : لا مفيش

حسبنا الله ونعم الوكيل