حوار في مكتب اللواء هشام غراب المسئول عن توظيف شعبة بريد

في مكتب اللواء هشام غراب
يوم 15/8/2010
السكرتير اشرف : الدكتور طارق كامل بيقول مينفعش نعين دفعه قبل التانيه لازم الدفعات كلها علي التوالي دفعه ورا التانيه ورا التانيه
هيثم : حضرتك اسمك ايه
اشرف : اشرف
هيثم : المهندس علاء فهمي قالنا عام 2008 اللي يجتاز الدورات هيتعين بدون تقيد بسنة التخرج وذلك امام الدكتور عبدالله بركات رئيس ج حلوان وعميد كلية التجارة الدكتور جاب الله ليه الكلام ده متنفذش
اشرف : حضرتك اللي تعين من دفعتك العشره الاوائل بس ومعندناش معلومه بالكلام ده احنا عندنا قرار الوزير طارق كامل
هيثم : حضرتك من دفعة 2003 مبدأوش تعينات
اشرف : 2003 تقريبا خلصت كلها
هيثم : لا اغلبها
اشرف : 99 % وشغالين في 2004 فيه مقابلات جات 2004
هيثم : فيه نقطه مهمه جدا ان مكاتب البريد محتاجه اعداد كبيره ده اكتر من 4200 مكتب
اشرف : مين اللي اداك المعلومه
هيثم : انا في المركز اللي تابع ليه البلينا محافظه سوهاج فيه موظفين ناقصين وممكن تتابع بنفسك
اشرف : جبت المعلومه دي من اين
هيثم : انا بسأل في المكتب عن تعيينات
اشرف : لا انت ولا المكتب اللي يحدد ده نحن اللي بنحدد ده
هيثم : عايز اوضح لحضرتك انه فيه كليات تانيه بتتعين من خارج البريد كليات خدمة اجتماعيه واداب
اشرف : متخرجناش عن الموضوع دفعة 2008 لسه بدري عليها وحاليا شغالين في دفعة 2004
هيثم : عايز اوصلك نقضه انه فيه ناس بتتعين بالعقود وكده عن طريق اعضاء مجلش الشعب وملهاش حق في التعيين وانا اعرف ناس متعينه في مكتب بريد البلينا من تجارة الازهر
اشرف : مع احترامي ليك انا معنديش ثقه في المعلومه بتاعتك
هيثم : ماشي انت تتأكد بطريقتك بس ليه ناس تانيه تاخد حقي
اشرف : وليه انت تاخد حق زمايلك اللي هم دفعة 2004 و 2005
هيثم : اوك انا عايز اعينهم الاول وانا بعدهم بس مفيش حد يتعين من كليات اخري كلية البريد اتعملت عشان نتعين في مكاتب البريد
سكرتيره اخري في المكتب : انت بتقول علاء فهمي علاء فهمي قال كلية البريد تتبع جامعة حلوان ولا تتبع هيئة البريد
هيثم : امال هم ليه عملوها حضرتك
سكرتيره: معلش معلش عشان حصل مظاهرات امام الهيئه فجاء علاء فهمي وقال كلية بريد تتبع جامعة حلوان
هيثم : ده علاء فهمي بنفسه دف 5 مليون جنيه من الهيئه للجامعه عشان تأهلنا وقال من يجتاز الدورات هيتعين

سكرتيره: انت ملاحظ ان كلية بريد خلاص قفلت
هيثم : فعلا قفلوها عشان الدفعات اللي متعينتش
سكرتيره: دلؤتي شغالين 2004 لما نخلص 2004 نبدأ في 2005 وهكذا
هيثم : طيب الدفع ادامها كام وتخلص
سكرتيره: الله اعلم حسب احتياجات المنطقه
هيثم : والله كل مكتب محتاج علي الاقل اثنين
سكرتيره: مش انت اللي تقول نحن عاملين دراسه وسائلين وقالوا مش محتاجين هم اللي عارفين احتياجاتهم مش انت تمام
هيثم : ممكن اقابل اللواء هشام غراب
سكرتيره: ادامه ساعه ويجي
هيثم : انا اسف علي اللي حصل ده بس والله انا دمي محروق شايف حقي بياخده غيري والمكاتب محتاجه